काही चारोळ्या .....

मी म्हणत नाही तुला
की आज तू जशी आहेस अगदी तशीच रहा आयुष्यभर
पण एवढ मात्र नक्की सान्गेन
माझं प्रेम तुझ्यावरचं कमी होणार नाही तसूभर !!

=====================***

तूच सान्ग तू झोपल्याशिवाय
मी तुझ्या स्वप्नात कसा येऊ ?
तू आकंठ जागी असताना
मी माझा दिवा तरी कसा मालवू ?

=====================***

आजही मी अंधारातच
काल होतो जिथे ...
ना एक पाऊल पुढे ना एक पाऊल मागे
अजुनही थडग्यासारखा थिजलेला तिथेच !

=====================***

बहरलेल्या झाडवर एकदा
एक कळी उमलली,
नि दुसर्‍या फुलान्चा बहर पाहता पाहता
ती स्वत:हाचं फुलणच विसरुन गेली !

=====================***

तुझ्या अवतीभवतीच गुम्फलाय
आता माझा प्रत्येक क्षण,
मी हसतो, मी बोलतो
माझ्या जगण्याचेही तूच कारण !

=====================***

तू आहेस ना सोबत आता ...

सोबत आहे ... तूच नाही

शब्द आहे सूर नाही
काव्य आहे मैफ़ल नाही

अश्रू आहे ओघ नाही
श्वास आहे हुन्कार नाही

दिवस आहे सूर्य नाही
रात्र आहे चन्द्र नाही

दिवा आहे तेल नाही
वात आहे ज्योत नाही

वाट आहे वळण नाही
सोबत आहे ... तूच नाही .


- सचिन

सोबती ...

नमस्कार मित्रहो ,

एका ठरविक वेळी, प्रत्येकाच्या आयुष्यात कोणीतरी "स्पेशल" येत असते ..... कायमची सोबत देण्यासाठी . किम्बहुना प्रत्येकाला एक आशा असते कि एखाद्या त्याने / तिने आपल्या आयुष्यात यावे आणि अन आपल्या बरोबरीने चालावे. आपले सोबती व्हावे. ती व्यक्ती यायला अजुन अवकाश असतो पण आपल्याला त्या व्यक्तिचा इतका ध्यास लागतो की मग त्या ्यक्तिची नकळत स्वप्नही पडू लागतात. आणि मग त्या व्यक्तिला , त्या सोबतीला आपण सतत बोलवू लागतो ....... स्वप्नातून प्रत्यक्शात !

हो ना ?


अबोल आहे आजला मी
शब्द मोजके देऊन जा
अंतरातल्या भावनेला
शब्दात नेमके गुन्फ़ून जा .....

स्वप्नात पाहतो रोज तुजला
प्रत्यक्श एकदा येऊन जा
देईन सोबत कायमची तुज
वचन एवढे घेऊन जा .....

येशील तु हे निश्चित आहे
वेळकाळ मज सान्गून जा
तिष्टतो तुजसाठी निरंतर
गुपित एवढे जाणून जा .....


- सचिन